अमेरिकायां भारतीयानां विवाहः
सा - आगच्छतु । अल्पाहारं स्वीकरोतु । उत्पीठिकायां सर्वं परिवेषितवती अहम् । अहम् - अस्तु । भवती न खादति किम् ? सा - न । अहं विवाहं पश्यामि इदानीम् । अहम् - विवाहः ? कस्य विवाहः ? कुत्र ? सा - कति वारम् उक्तवती अहम् । भवान् न श्रुणोति एव मम वाक्यानि । अमेरिकादेशे अट्लाण्टानगरे मम बन्धोः विवाहः अस्ति । तं विवाहं द्रष्टुं मम अग्रजा अनुजा च गतवत्यौ इति अपि अहं पूर्वम् एव उक्तवती किल ? किमर्थं पुनः पृच्छति माम् ? अहम् - आम् । इदानीं स्मरामि । सम्यक् । दर्शयतु चित्राणि । अहम् अपि द्रष्टुम् इच्छामि । किम् साक्षात् प्रसारः एव अस्ति विवाहस्य ? अत्युत्तमम् । सा - पश्यतु । एषा अस्ति वधूः । सः वरः । अहम् - सुन्दरी अस्ति । किं करोति सा ? सा - वैद्या अस्ति । वरः अपि वैद्यः । एतौ वध्वाः पितरौ । तौ वरस्य पितरौ । आ बहोः कालात् अमेरिकादेशे स्थिरवासं कुर्वन्ति ते । अहम् - वरः अपि सुन्दरः । अस्माकम् आन्ध्रदेशसंप्रदायम् अनुसृत्य विवाहकार्यक्रमः प्रचलति खलु । पुरोहिताः वेदमन्त्रान् स्पष्टं उच्चारयन्ति । मङ्गलवाद्यानि अपि सन्ति । सा - आम् ! विवाहे तु सर्वत्र भारतदेशस्य वातावरणम् एव अस्ति । वध्वाः शाटिका